L'Arcu la Vieya: el blog alternativu

Collacios y collacies, dámosvos la bienvenida al nuesu blog, el blog alternativu onde se tratarán temes que queden davezu fuera de la clase, y que vamos emplegar como leitmotiv pa una educación en valores, como la igualdá de xéneru, d'identidá sexual, de condición sexual, d'ecoloxía, etc. Les actualizaciones sedrán nes diferentes llingües de los que facemos esti blog, dende l'asturianu hasta'l francés, pasando pel castellanu y, tamién, n'inglés.

Los que facemos esti blog somos Ana Gayol Suárez, de la especialidá de llingua asturiana, Sergio Díaz Menéndez, de francés y Estela Díaz Hernández, d'inglés. Los tres atopámonos nel Máster de Formación  del Profesoráu d'Educación Secundaria, y decidimos xuninos pa facer esti trabayu que contién munchos de los conteníos aplicaos de les carreres de nueso, y que ye mui afayadizo poner en común pa comparar los parámetros onde somos diferentes pero tamién pa danos cuenta que, a lo postrero, nun somos tan distintos. sino que toos compartimos una xera común: la búsqueda de la llibertá.

"La libertad no hace a los hombres más felices, los hace sencillamente hombres" (Manuel Azaña)

Traducción al asturianu: "la llibertá nun fai a los homes más felices, failos cenciellamente homes"

"They who can give up essential liberty to obtain a little temporary safety, deserve neither liberty nor safety" (Benjamin Franklin)

Traducción al asturianu: quien dea la llibertá esencial pa conseguir una seguridá temporal, nun merez nin llibertá nin seguridá"